【演唱會】衛詩出道17年舉行處女騷　擁胞姊衛蘭感觸落淚：你係上帝賜畀我嘅禮物

歌手衛詩（Jill）岀道17年，終在昨日（9月17日）於九展舉行處女演唱會，滿足自己及一班樂迷粉絲多年願望，更獲多位圈中好友如陳凱詠（Jace）、陳蕾、洪嘉豪、鄧萃雯、泳兒、鍾舒漫、鍾舒淇、陳明熹、Dear Jane成員Howie、Kiri T、曾若華（Jude）、鍾雪、Miss Yellow等現身支持。

Jill甫一開場即以型格曲風《GET OUT》為演唱會揭開序幕，頓時尖叫聲四起。及後更演唱多首經典快歌《Funny Jealousy》、《可可》等。

獻唱《可可》時，音樂製作人陳杰（Chris Polanco）更驚喜現身合唱，歡呼聲四起，把全場氣氛推高。

【小肥演唱會】陳柏宇即興上台High爆猶如唱K　小肥開騷感激廖子妤仗義聲演

▲ 衛詩演唱多首經典快歌，氣氛高漲。

演唱Big Bang成員太陽歌曲

Jill亦邀請了相識多年的音樂人Daniel Chu作嘉賓，分享他們相識多年點滴。Jill分享他們十多年前的台上表演合照時要求Daniel與她模仿當年合照中的動作，更著歌迷替他們拍下。途中因Jill用右手揸咪與相片不符，台下瘋狂大叫「左手呀」。最後Jill聽到台下的洪嘉豪「提水」，在台上大叫「多謝嘉豪」，場面非常搞笑。

Jill在演唱會當中首次在台上演唱Big Bang成員太陽的歌曲《Eyes Nose Lips》，給一眾樂迷一個大驚喜，唱罷更說：「啱啱唱完韓文歌好掛住媽咪，可惜佢今日嚟唔到，不過唔緊要，爸爸今日有嚟到！一定會有下次！」

▼點擊圖片放大

+6

+5

姊妹情深

最後當然少不了家姐衛蘭（Janice）上台支持細妹，Janice笑言：「終於等到你邀請我做嘉賓啦！我真係好開心！好開心你舉行個人演唱會，好想趁今晚同你講，知道其實你一直以來嘅音樂生涯都好需要好多嘅忍耐同堅持。喺你身邊，除咗睇到你會有失望唔開心嘅時候，更加睇到你嘅耐性。無論有幾多嘢阻住你向前行、要等幾耐，你都會好似一個戰士咁繼續向前，繼續努力，呢個係我喺你身上好想學到嘅嘢。今晚我真係好戥你開心，亦都好感恩我哋依然有機會一齊企上舞台，陪着對方同行。」

▲ 衛詩與胞姊衛蘭感觸相擁落淚。

二人感觸相擁落淚，Jill亦說：「我真係好多謝家姐你一直支持我鼓勵我，我簡直覺得你係上帝賜畀我嘅禮物！」場面感人。

說罷二人用紙巾拭淚，場面一度靜止，Janice為緩和氣氛說：「好！不如我哋唱歌！We are a mess ！」引來樂迷大笑。最後和Jill獻唱二人兒時喜愛的卡通片歌曲《If We Hold On Together》以及合唱歌《細細個》。

最新影片推介：樊亦敏專訪